安基苑2013

安基苑2013

二零一三年十一月三十日‧星期六

是日恭祝斯氏府上，合兩戶豪宅為一，五房四廳，雙廚兩廁，更顯美輪美奐，每對朋友預備兩種美食到賀。

午餐：南乳蓮藕燜五花腩、豉油雞、越南米紙春卷、蔗蝦、巧手炒土豆絲、陳醋雲耳、沙茶牛肉粉絲、話梅涼瓜、七彩素炒飯。甜品：深水埗老牌脂蔴卷、紅豆糕、脂蔴糕。

各大廚用心製作，是以每一種食物都極之美味。

炒土豆絲看似簡單，原來過程亦有巧（其沼切，音kiu2）妙。刀章講究，切絲後浸水，換水數次， 加白醋，落鑊炒，爽口之至。

春卷與蔗蝦雖係現買，卻要麻煩主人臨食前去店家張羅。







飯後，兩檯機動麻雀，各人自問國粹精湛，也（益華切，音ya4）文也（益華切，音ya4）武一番。

晚上更加豐富：法蘭西紅酒配袋鼠國甘筍燜紐西蘭國寶、西班牙生果酒、黑松露意大利粉、有機雜菜澳大利亞新薯燜牛脷、梅子蒸原條白鱔、西蘭花雜菜煲、虔製齋煲、主人親自炮製客家雞酒。

首先品嘗客家雞酒，糯米酒甜、走地雞香，暖胃強身，異常滋補。

酸甜好味梅子蒸白鱔，超爽不膩，極速消失。

牛脷酥化，白薯清甜。

生果酒冰凍鮮甜，與糯米酒另樹一幟。

黑松露香氣四溢，意粉雖飽肚而難忍口。









配甜品：脂蔴糕、薑汁糕。男主人昨日專程長洲購買杧果糯米糍、榴槤糯米糍，以饗識食朋友。



飲飽食醉之餘，不忘祝願大家身體健康、食神長期眷顧。